Tagesbericht Montag, 11. April

Mir händ Freizit gha, denn hets gheisse, mir müesse in Esssaal cho. Wo mir emol ghockt sind, isch de Cube osser Atem inecho. Er het am Landvogt ds Fleisch zrugg gklaut wo er eus klaut het, er het nor dommerwiis omegschroue, denn sind d Ritter ufgwacht. Jetzt sinds ufem Wäg zu eus. Darum hämmer eus zwäg gmacht för de Ritter z entcho. Die beide chlinere Altersgruppe sind ufd Tageswanderig gange. Denn händ sie förs Zvieri en Schatz gsuecht ond händ denn Zvieri gässe.

Mir Grosse sind ufe Hike gange. Mir sind mitem Gepäck abglofe. Denn hämmer denn emol Zmittag gässe ond hämmer det e Pause gmacht. Wo mir mit Zmittag ässe fertig sind gsi, sind mir witer glofe. Wo mir gli be eusem Lagerplatz sind gsi, hämmer no müesse Brennholz sueche. Bim Lagerplatz hämmer eusi Zält ufgstellt. Denn hämmer Znacht kocht ond denn au gässe. S Znacht isch guet gsi. Denn hämmer Rauch gmacht mit Holz. Nachher hämmer Andacht gha. Denn hätte mir eigentlich sölle schlofe, händ aber no lang gschwätzt. Am Schluss hämmer denn glich no gschlofe.